t1

Comune di Avezzano

t2

ZEFFERINE: “Franceschì’… e che te ‘ó’ scapicollà’?… Vé ècche… stàtte ‘ne póche che méche ! ”

FRANCESCHINE: “M’aténga ainà’, Zefferì’… atéva sonà’ la cambàna pé’ lla méssa délle sètte… la méssa sarrà ‘ncomenzàta… e ì’ sténghe angóra ècche…”

ZEFFERINE: “Ormài la prìma sonàta è pèrza… a dà’ quàttre bòtte de battócchie avéntr’àlla cambàna ce avrà penzàte ìsse… je prète…”

FRANCESCHINE: “Eh… Dón Camìlle (9) nen sarrìa cattìve… è bràve… tè quaràntasètt’ànni e zómba angóra cómme ‘ne rìjie… ma ce piàce la pricisióne… e la mósca sótt’àjie nàse… nze lla fà passà’!… “(siede).

ZEFFERINE: “E’ sèmbre cchiù bràve de Dón Gervàsie, prò…”

FRANCESCHINE: “Zefferì’… ma che t’atìssa créte tu… i prèti, se cce penzéme bbóne… sò’ bbràvi cristiàni cómme nnù ! ”

ZEFFERINE: “Bèh… cómme nnù… me pàre ‘ne póche tróppe, Franceschì’! ”

FRANCESCHINE: “Scìne, Zefferì’, sò’ cristiàni cómme nnù… e pùre je véscheve gnóve… Marcéjie Bagnòle… m’òne dìtte… ch’è ‘ne bbóne cristiàne… ma ce pùzzene i bàffi! “(10)

ZEFFERINE: “Bèh… quìste pò pùre èsse… sò’ sortànte quàttr’ànne che s’è allocàte a Pescìna… e vetéme pó’ cómme jàme a fenì’…ma quìjie che ce stéva prìma…pròpia nóne, èh? ”(11)

FRANCESCHINE: “Bèh… se dìce che ‘ne bbóne fràte nen pò parlà’ màle de je comménte sì… ma le tróppe è tróppe… je véscheve de prìma… je minzignóre Giàcce… èva ‘ne póche curiùse… “(12)

ZEFFERINE: “Curiùse?… E quìje spacchéva je cendèsime!… Curiùse?… Eppó’ nen le si vìste la fìne ch’a fàtte? ”

FRANCESCHINE: “La légge è la légge… e s’atà rispettà’… quìjie… ‘mméce, ‘oléva fà’ sèmbre cómme càcchie ce parév’e piacéva!… Oh… d’accórde che j’abbàte Colèlli… s’olévene frecà’ bràve 2300 lìre che je govérne èva redàte a Dón Camìlle pé’ vìa de je rimbórze de ‘na càvesa vìnta! ”

ZEFFERINE: “E… cómme ìtt’a fenì’? ”

FRANCESCHINE: ”Le sànne tùtti e le sà’ pùre tu… ó nó, Zefferì’?… Dón Camìlle, che quànne se tràtta de sórdi… mànche ce và scàrze… la mósca sótt’àjie nàse nen se la ficétt’apposà’: scrivétte aje ‘ntendènte, ce spiechétte tùtte e rescotétte quéle che ce attocchéva!… Quànne che le vìnn’a sapé’ Minzignóre… rrùprete céle!!! Je chiamérne a Pescìna e… cerchérne de fàjie ammollà’… ma Dón Camìlle… gnènde da fà’!… Oh, je sórde ‘nzaccòccia ajie prète è cómme je chióte ficcàt’àjie cérre! ”(13)

ZEFFERINE: “E… dóppe? ”

FRANCESCHINE: “S’òne dàte corèla…e àlla fìne se decidétte che j’abbàte Colèlli nen potéva cchiù cantà’ méssa finènt’a quànne nen s’appianéva la custióne…”

ZEFFERINE: “E… dìmme ppó’… e je véscheve Giàcce? ”

FRANCESCHINE: “Quéla ‘òta se sarvétte… ma pó’…”

ZEFFERINE: “Ma… pó’? ”

FRANCESCHINE: “Ma pó’ ce stéva la stòria délle cannéle… ógne ‘òta che ficéva la crésima àlle creatùre pé’ ‘ssi paési, se portéva apprésse ‘na càscia ròssa ròssa piéna de cannéle… e carrìa ógge… carrìa addimà’… a Celàne ce fìcere ‘na bèlla contravvinzióne pecché nen paghéva je dàzie: je fàtte jétte a fenì’ sópr’àjie “Corriére délla Màrzica” -je giornàle deij socialìsti- … e je scàndale béjie che schioppétte!… “(14)

ZEFFERINE: “Ma che ‘ste cannéle… che cce ficéva?…”

FRANCESCHINE: “E mó vè le béjie, Zefferì’!… Mó vè le béjie… ‘ste zuarróne…mbè… mó le potéme dì’…”

ZEFFERINE: “Béh… pùre pecché, ormài, nen ce stà cchiù… j’òne mannàte vìa… je minzignóre… “

FRANCESCHINE: “ ‘Ste zuarróne… stév’a ddìce… ógne vvòta mettéva ‘na cannéla petù’ ‘mmàne àji vajiùli… e le màmme…dóppe che c’èvane baciàte la màne… ce atévane dà’ mèsa lìra…”

ZEFFERINE: “Mbè… mèsa lìra pé’ ‘na cannéla… èva ‘ne póche tróppe, prò, èh…! ”

FRANCESCHINE: “E quéste nen’è gnènde Zefferì’, le méjie atà angóra venì’!… Dóppe la crésima, ‘n’accostàte si’… se retiréva le cannéle… le repunnéva avéntr’àlla càscia… e se lle reportéva… prónte p’àtri vajiùli de ‘n’àtra crésima de ‘n’àtre paése… e cuscì’, che lle stésse cannéle… ammucchiéva… ammucchiéva sórdi a nen fenì’… ‘nzómma… bbóni cùndi… a ffà’ dù’-tremìla lìre ‘nen ce mettéva pròpia gnènde! ”

ZEFFERINE: “E… cómme ìtte a ffenì’?…”

FRANCESCHINE: “E cómme ìtte a ffenì’…itte a ffenì’ che la gènte, piàne piàne,se fìce sendì’ a tùtti i pìzzi déji paési… j’allùcchi se sentìrne finènt’a Mujìne… e le réste le sànne tùtti: abbòtta ógge, abbòtta addimàne… ógne annùte và àlla stréccia… e je Véscheve Giàcce j’àne mannàte a ‘nn’àtre póste! “(15)

ZEFFERINE: ”Léste-léste!… “

FRANCESCHINE: ”Bèh…léste-léste, nó!… La Chiésa… pò tricà’ ‘ne póche… ce pò métte quàch’ànne… cèrte ‘òte pùre i sèqueli… ma… àlla fìne… se té raggióne… te lla dà! “

ZEFFERINE: ”Bèh… méne màle… ce métte témbe… àlla fìne, prò…”

FRANCESCHINE: “Eh… Zefferì’… ma ‘sti fàtti… stév’a penzà’… i sànne tùtti quànti… j’ànne reportàti ‘ngìm’àji giornàli… e tu si ùne che sà’ lègge e stà’ pùre ècche avéntr’ajie fùrne e sicuraménte sà’ vìta, mòrte e miràqueli de tùtti… e allóra… pecché me ji st’a ffà’ repète? “

ZEFFERINE: “Franceschì’… ì’ sténghe ècche pé’ mannà’ ‘nnànze ‘sta bottéca… e tu… che lle sà’ che ì’ le sàcce… pecché me lle si repetùte pàre pàre, pé’ ffìl’e pé’ ségne?… “

FRANCESCHINE: “Se cce pènze bbóne… te raggióne Zefferì’…assàmmene ì’ và… che se nen fàcce ‘na paròla de méne… ècche Dón Camìlle me fà pacà’ le ‘ncazzatùre che s’ha pijiàte che Dón Colèlli e che je Véscheve Giàcce!…

Oóóh… ècche pùre j’avvocàte Bartolommè’… e mó chi se nne và chiù… ècche se m’allondàne me ficéte bàrba, capiji e zùffi!… ‘Gnór sìndeche!…”

Entra l’avvocato Bartolomeo Giffi, neo sindaco di Avezzano.(16)

ZEFFERINE(alzandosi): “Avvocà’… ch’onóre… àjie fùrne mì’…ma addó’ te nne va’ cuscì cétte?…”

BARTOLOMMEE: “Bèh… è le vére… èva ‘ne póche cétte… e allóra sò’ penzàte pur’ì’ de venì’ ècch’àjie fùrne… pé’ sendì’ quèlle che sse dìce… ma ‘n’àtre póche… jòppeca jòppeca me nne vàjie ajie commùne… “

ZEFFERINE: “Scìne… è méjie che te nne va’ lénte lénte, che s’arrìvi prìma… ‘ncumincéte sùbbite a ffà’ dànne p’Avezzàne… óh… che tùtte je rispétte, èh! “

BARTOLOMMEE: “E scì’… ca ì’ fàcce je furnàre!… O le pàne bruciàcchiàte… o póche cótte… la gènte màgna sèmbre… e tu… che lla chiàcchiera che te retrùvi… accuntìnti tùtti e… ammùcchi, ammùcchi nichèlle!…”

ZEFFERINE: “Oh… ‘gnòr sìndeche… e mó ce mànchi pùre a ssignerìa… pròpia mó se nn’è ìte Asprème! “

BARTOLOMMEE: “Eh… tu te mìtti èsse ‘nnànz’a ‘sse fùrne… fà’ caccósa… t’accìti pé’ lle chiacchiarà’… àspitte che vènne ‘sse popolàne…”

ZEFFERINE: “ Chi? “

BARTOLOMMEE: “Le ziòne, Zefferì’, le ziòne!… Bèh, tu rappìcci je fóche ‘na ‘òta scì’ e ‘n’àtra ‘òta pùre! “

ZEFFERINE: “Avvocà’… nen reparlà’ all’ambrujiàta… cómme ficéte spìsse spìsse lòche àjie commùne… chiuttóste cérca de nen fà’ la fìne de Dón Nicòla… nen fà’ ‘ne pìse e ddù’ mmesùre… e nen te fà’ tirà’ pé’ lla capézza…”(17)

BARTOLOMMEE: “A quìje ce mettìrne je murzàcchie… ma ì’, lòche, nen ce sténghe pé’ ‘ne màniche de scópa! ”

ZEFFERINE: “Ma… a prepòsite… èsse pàre che te lla sì vvìsta pròpia pajiósa… àji cìngue de lùjie… si rrescìte cómme cunzijére pé’ trènda e pé’ trendùne… su vintisétte… appéna quinnicèsime…”

BARTOLOMMEE: “Parli de mì’.. e Nicòla Gallése, allóra… dóppe quàsci quàttr’ànni ch’èva sìndiche… è rrescìte pé’ ùrdime… ‘n’àtre póche mànche ce rattocchéva… stà’ a parlà’ de mì, óh!…”(18)

ZEFFERINE: “E se lòche raggiùni cuscì’… ce nne frechéme!… Ma pó’… cómme sì fàtte a rescì’ pé’ sìndeche? “

BARTOLOMMEE: “Oh… je ddù’ d’acùste rescìtte cómme sìndeche j’avvocàte Giuvànne Cérre, je tiputàte… e quìjie… cómme gnènde fùsse…s’avezétte e allucchétte: “Nen je vójie fà!“ … E allóra… ”(19)

ZEFFERINE: “Bèh… cérte… ùne, comùnque, atà commannà’… e staòta ha rattoccàte a tì… e mó spetùcchete ‘ssa prónga ! ”

FRANCESCHINE: “Ma… a nn’àtre póche ‘st’àmministrazióne métte je prìme dènte… che stét’a ffà’? ”

BARTOLOMMEE: “Stéme a ffà’, stém’a ffà’ tànde cóse… ma la cchiù mbortànde è ‘na repulìta àlle intercapedini… “

ZEFFERINE: “ Le che ssò’, mó, ‘sse ‘ntreccapèdiche? “

BARTOLOMMEE: “ Le trascènne, Zefferì’, le trascènne… èsse, sinnó’, a nn’àtre póche schiòppa je colèra! “

ZEFFERINE: “Bèh… cérte… ‘nnànze cuscì’ nze pò’ ì’… e lòche agnùne ce fà’ i còmmoti sì’… chi ce ammùcchia le stàbbie… chi ce fiònna i rinàli la mmatìna cétte… chi ce và a ffà’ ‘ne cuccìtte d’àcqua dóppe ch’è ‘scìte da je cantinóne de Brìggida o da je bàrre de je Capijiàre…”(20)

BARTOLOMMEE: “Da mó che séme ‘ntràti àjie sèquele gnóve… ma la moternità… ècche… nen s’è mài vìsta… tùtte cómme prìma!…”

Giovambattista Pitoni  

avezzano t2

t4

pag.4 di 7-Sante 'Middie... Je Tarramute !

t3

avezzano t4

t5